Shillong, Naiwieng 07
Ka Shillong Lajong FC kan pynkhreh ïa ka jingïalehkai ha la ïing ha ka lympung ïalehkai I-League pyrshah ïa ka NEROCA kaba na Manipur ha ka sngi Palei ha kane ka nongbah.
Kane ka kynhun hapoh ka jingïalam u Bah Bobby L. Nongbet ka la lah ban pynpaw ïa ka jingtbit ha ka jingïakhun kaba nyngkong shabar na la ïing da kaba ïakhaid mar 1-1 kol pyrshah ïa ka Mohammedan SC.
Katei ka jingïalehkai pyrshah ïa ka NEROCA kan long ha kapor 2 baje janmiet ha 1st Ground SSA Stadium, Polo. Te kumta ïa ki tiket na ka bynta kane ka jingïalehkai lah ban ïoh na Electronic Centre (Police Bazaar), Cafe Shillong (Laitumkhrah) bad na SSA Ticket Counter.
Ha kane ka aïom, ka Lajong kan pynkhreh haduh phra tylli ki jingïalehkai ha la ïing ki ban long mynta u bnai Naiwieng bad Nohprah.
