Jowai, Naiwieng 07
Ka Sailung Ïalong ka la khur ïa ka jingjop ha ka lympung ïalehkai Super Division Football Tournament na ka bynta u Kiang Nangbah Memorial Trophy 2023 ba la pynïaid da ka West Jaiñtia District Sports Association (WJDSA).
Kane ka la wan hadien ba ka Sailung Ïalong ka la pynliem noh ïa ka Mukhla Raij da 3-1 kol ha ka sngi Ba-ar ha Kiang Nangbah Stadium kaba ha Ladthadlaboh, Jowai.
Ha kane ka jingïakhun ka Sailung ka la pyrshang ban ïalehkai bha naduh kaba sdang ha kaba ka la ïoh ban pynkhih jar nyngkong eh lyngnba u Hep Dkhar ha ka minit kaba 39 na ka bynta ban tam shi kol ha ka kylla step.
Hadien ba la bteng ïa ka jingïakhun jong ka kylla miet ka Sailung ka la pynbud biang ïa ka kol kaba ar lyngba u Madan War ha ka minit kaba 51. Hadien saw minit ka Mukhla Raij ka la lah ban pynphai kylla shi kol lyngba u Timmy Ryngkhlem. Ka Sailung ka la ïoh ban thep biang ïa ka kol kaba lai lyngba u Sandeep Siangshai ha ka minit kaba 71 na ka bynta ban khur syndon ïa ka jingjop.
Ka jingïalehkai ha ka sngi Balang kan long hapdeng ka Shangpung Lumïawmushai pyrshah ïa ka Myn-thong ha ka por 2 baje mynsngi.
