Amlarem, Naiwieng 08
Ka Seinbhalang Shkentalang ka la khur jingjop ha ka lympung ïalehkai Super Division Football League ba la pynïaid da ka Amlarem Sub Division Sports Association (ASSA) hadien ba ka la lah ban pynliem noh ïa ka Man i Bha da 1-0 kol ha ka sngi Balang ha Mini Stadium Ladjaplem, Amlarem.
Ïa kane ka shi kol jong ka Seinbhalang Shkentalang la thep da u Samuel Khyriem ha ka minit kaba 16.
Ka jingïalehkai ha ka 10 tarik kan long hapdeng ka Thangbuli YSWC pyrshah ïa ka Umladkhur SC ha ka por 2:30 baje janmiet.
