Washington, Naiwieng:
Ka White House ha ka Sngi Ba-ar ka la maham ïa ka Israel halor ka jingthmu ban kurup ïa ka Gaza bad kane ka long ruh hadien ba u Myntri Rangbahduh ka Israel- u Benjamin Netanyahu u la pynbna ba ka Israel kan kitkhlieh hi noh ïa ka jinglong-jingman bad ka bha-ka miat hapoh Gaza hadien ynda la kut ka thma.
Kumta, u Lamphang ka White House National Security Council- u John Kirby ha katei ka sngi u la ong ba u President ka US u la maham lypa ïa ka Israel ba ka jingleit kurup ïa ka Gaza ka long ka bym bha bad ka lah ban wanrah jingma ïa ki paidbah jong ka Israel hi hadien-habud.
