Washington, Naiwieng:
Ka tnat ïada jong ka United States ka la pyntip ba ka US ka la phah ïa ka lieng ngam um ‘Submarine’ ‘Nuclear-powered Ohio-class’ sha Middle East ban pahara bad pynkhlaiñ ïa ka jingïada ha katei ka thaiñ namar ki jingma kiba ap na ka thma jong ka Israel bad ki lehnoh Hamas.
La ong ba ki don katto katne na kitei ki lieng ngam um ‘Ohi-Class’ kiba la pyndait da ki tiar ‘Nuclear Ballistic Missile’ kiba khlaiñ bor, katba don pat kiba dei tang ban lah ban pynkit bun ïa ki ‘namding 150 Tomahawk.
Watla katta, ka US kam shym la pynshai ba katei ka lieng ngam um ba la phah sha Middle East ka dei kaba kumno, hynrei la shu pynti ba la phah ïa katei ka lieng sha Middle East na ka bynta ban pynkhlaiñ ia ka jingïada namar ka jingma kaba ap na ka thma ka Israel bad ki lehnoh Hamas.
