Shillong, Naiwieng 08
Ka lympung ïalehkai Inter College Cricket (Men) Tournament 2023 ba la pynïaid da ka tnat ïalehkai jong ka skulbah NEHU ka la jam sha ka semi final ha ka sngi Balang.
Ki kynhun kiba la ïoh rung sha ka semi final ki long ka NEHU, Shillong, St. Anthony’s College, NEIAH, Shillong bad ka BBS College.
Ha ka jingïalehkai kaba la long ha ka sngi Balang ha phyllaw jong kane ka skulbah, ka NEIAH, Shillong ka la pynliem noh ïa ka Shillong College da 7 wiket.
Ha kane ka jingïakhun ka Shillong College kaba la jop kynting pisa, ka la shimti shwa ban tied nyngkong na ka bynta ban kamai 84 run ha ki 17.4 over hadien ba shah pynkhyllem baroh ki nongtied.
Haba wan shimti ïa ka pali kaba ar, ka NEIAH, Shillong ka la lah ban kynjoh sha ka thong 9.3 over bad shah pynkhyllem 3 wiket.
Ki jingïakhun semi final ha ka sngi Palei kin long hapdeng ka NEHU, Shillong pyrshah ïa ka St. Anthony’s College ha ka por 8 baje mynstep, katba ka NEIAH, Shillong ïa ka BBS College ha ka por 12 baje mynsngi.
