Khliehriat, Naiwieng 09
Ka Thangskai Tiger SC bad ka Dhana SC ki la ïasam mar shi poin, katba ka Khliehriat West YWSC ka la khur jingjop ha ka lympung ïalehkai Super Division Football Tournament ba la pynïaid da ka East Jaiñtia Hills District Football Association (EJHDFA) ha ka sngi Palei ha madan Artificial Turf Diengshynrum, Khliehriat.
Ha ka jingïalehkai kaba nyngkong, ka Thangskai Tiger SC bad ka Dhana SC ki la ïakhaid mar 1-1. Ka Dhana SC ka la ïoh ban pynkhih jar nyngkong lyngba u Wanlam Kassar ha ka minit kaba 7, katba ka Thangskai Tiger SC ka la pynïakhaid ha ka minit kaba 12 lyngba u Shanlang Rymbai.
Ha ka jingiakhun kaba bud, ka Khliehriat West YWSC ka la pynliem da 3-1 kol ïa ka Moolamanoh SC. Ïa ki kol jong ka Khliehriat West YWSC la thep da u Kerlang Tlang haka minit kaba 16, katba u Embor Lamare u la the par kol ha ka minit kaba 23 & 55. Hynrei shwa ban wai, ka Moolamanoh SC ka la lah ban pynphai kylla shi kol lyngba u Kiming Dkhar ha ka minit kaba 90+3.
Ka jingialehkai ha ka 11 tarik kan long hapdeng ka Rymbai Wanshnong SC pyrshah ïa ka Sutnga SSCC ha ka por 12 baje mynsngi, katba ka Rymbai Ïawpynsing ïa ka Shkemshynriah SC ha ka por 2 baje janmiet.
