Saipung, Naiwieng 09
Ka Lamyrsiang SSC bad ka Shnongrim SC ki la khur jingjop ha ka lympung ïalehkai Super Division Football League ba la pynïaid da ka Saipung Block Sports Association (SBSA).
Kane ka la wan hadien ba ka Lamyrsiang SSC ka la pynliem noh ïa ka Mynthning SC da 3-0 kol, ka Shnongrim SC ka la pynliem ïa ka Jarain SC da 2-1 kol ha ka jingïakhun kaba la long ha madan ïalehkai Lamyrsiang kaba la long ha ka sngi Palei.
Ha ka jingïakhun kaba nyngkong, ka Lamyr-siang SSC ka la pynliem noh ïa ka Mynthning SC da 3-0 kol. Ïa ki kol jong ka Lamyrsiang la thep da u Go Goa Hangsing ha ka minit kaba 17 bad 47 bad u Defend Nongtdu ha ka minit kaba 76.
Ha ka jingïakhun kaba bud, ka Shnongrim SC ka la pynliem ïa ka Jarain SC da 2-1 kol. Ïa ki kol jong ka Shnongrim la thep da u Memon Sukhaiñ ha ka minit kaba 5 bad u Harlin Pyrngad haka minit kaba 29. Katba ka shi kol jong ka Jarain la thep da u Romario Dkhar ha ka minit kaba 12.
Ha ka 13 tarik ka jingïakhun kan long hapdeng ka Lamyrsiang SSC pyrshah ïa ka Narwan ha ka por 11:30 mynstep, katba ka Mynthning SC ïa ka Tluh SC ha ka por 1:30 baje nohphai sngi.
