Shillong, Naiwieng 10
Ka Umkaber SC ka la lah ban pynthikna ban ïai neh ha ka kyrdan ïalehkai jong ka First Division ba la pynïaid da ka Tyrsad Area Sports Association (TASA).
Kane ka la wan hadien ba ka la lah ban pynliem noh ïa ka Umkseh SC da 1-0 kol ha ka sngi Thohdieng ha madan Tyrsad bad ïa kane ka shi kol la thep da u Pynkupbor Kharbteng ha ka minit kaba 51.
Haba phai sha kawei pat ka jingïakhun, ka Mawlum Tyrsad SC ka la jop da 1-0 kol ïa ka Wahlyngkien Sunei SC bad ïa kane ka shi kol la thep da u Pyndap Khongsit ha ka minit kaba 26.
Ka jingïakhun ha ka 12 tarik ha ka kyrdan ialehkai jong ka 1st Division kan long hapdeng ka Pyndenumbri SC pyrshah ïa ka Kyrphei SC ha ka por 2:30 janmiet.
