Khliehriat, Naiwieng 10
Ka Border Area bad EJHTOTA ki la ïasam mar shi dor-thong (point) ha ka lympung ïalehkai 1st Open to All Veteran Football Tournament ba la pynïaid da ka East Jaiñtia Hills District Football Association, hadien ba ki la ïakhaid mar 1-1 kol ha ka sngi Thohdieng ha madan Artificial Turf kaba ha Diengshynrum, Khliehriat.
Ha kane ka jingïakhun baroh ar ki kynhun ki la pyrshang ban ïakhun tyngeh naduh kaba sdang. Ka EJHTOTA ka la ïoh ban pynkhih jar nyngkong eh lyngba u Pynskhem Garod ha ka minit kaba 25, hynrei ka Border Area ka al lah ban pynphai kylla lyngba u Dimon Ksih ha ka minit kaba 41 na ka bynta ban ïakhaid mar shi kol haduh kaba kut ka jingïalehkai.
Haba phai sha kawei pat ka jingïakhun kaba ar hapdeng ka Old Star FC bad ka Golden Lion ki la ïakhaid mar 1-1 kol. Ïa ka kol jong ka Old Star la thep da u Barland Syngkon ha ka minit kaba 36. Ka Golden Lion ka la ïoh ei shi kol na ka daw ka jingbakla thep hi u rangïalehkai ka Old Star u Biky Ryngkhlem ha ka minit kaba 57.
