Jowai, Naiwieng 10
Ka Demthring ka la jam sha ka final ha ka lympung ïalehkai First Division Football Tournament na ka bynta ka Chatister Kharkongor Memorial Trophy 2023 ba la pynïaid da ka West Jaiñtia District Sports Association (WJDSA).
Kane ka la wan hadien ba ka Demthring ka la pynliem noh ïa ka Dulong ha ka jingïakhun semi final kaba nyngkong kaba la long ha Kiang Nangbah Stadium kaba ha Ladthadlaboh, Jowai ha ka sngi Thohdieng.
Ha ka jingïakhun jong ka kylla step bad kylla miet ka jingïalehkai ka la long kaba ïakhaid bha ha kaba baroh arliang manla ki la pyrshang katba lah ban rah ïa ka bol shakhmat ban ïoh thep kol, hynrei khlem don mano mano ba ïoh pynkhih jar.
Dei ha jingïashut ia ka tie-breaker ba ka Demthriang ka la tam da 4-2 kol ïa ka Dulong bad kaba la biang pura ba kan khur ïa ka jingjop.
Kawei pat ka jingïakhun semi final kaba ar kan long ha ka 11 tarik hapdeng ka Wahiajer pyrshah ïa ka Nangbah Ïawmusiang ha ka por 1:30 nohphai sngi.
