Shillong, Naiwieng 12
Ka kynhun ïalehkai U-19 jong ka Shillong Lajong Football Club ka la lah ban pynliem noh ïa ka United Chirang Duar Football Club ha ka jingïalehkai jong ka lympung Oil-DFA All India Level Under-19 Inter-Academy Invitational Football Tournament 2023 kaba la long ha Duliajan, Assam.
Haba phai sha kane ka jingïalehkai kaba la long ha ka sngi U Blei, ka Shillong Lajong FC ka la lah ban ñion tyngeh naduh kaba sdang bad ban buh jingeh shi katdei ïa ki rangïalehkai ka Chirag ha kaba ki la lah ban pynliem syndon noh da 5-0 kol ïa ka United Chirag FC bad ïa ki kol jong ka Shillong Lajong la ïoh ban khyrwit da u Badondor Marbaniang, u Nihaar Manorama uba la khyrwit ar kol, u Samchaphrang Lato bad u Banlamkupar Rynjah.
U Nihaar Manorama, uba la thep ar tylli ki kol ha kane ka jingïalehkai, u la khur ïa ka nam ‘Player of the Match’.
Hadien kane ka jingjop, mynta pat ka Shillong Lajong FC kan pynkhreh ban ïakhun sa ïa ka SAIL na Bokaro ka ban long ha ka 14 tarik mynta u bnai ha ka por 10.30 mynstep.
