United Nations, Naiwieng:
Ka World Health Organization ha ka Sngi Thohdieng ka la maham ia ka thma Israel-Hamas ba ka jinglong jingman halor ka rukom ai jingsumar hapoh Gaza ka la shah ktah jur bha ha kane ka sien bad kumba 36 tylli ki hospital kiba don hapoh Gaza ki dei kiba la sangeh treikam noh syndon naduh ba khie ka thma Israel bad Hamas.
Haba ai jingkren sha ka Security Council, u nongialam ka World Health Organization (WHO)- u Tedros Adhanom Ghebreyesus u la ong ba ka jinglong jingman hapoh Gaza bad ha ki hospital jong ka Gaza ha kane ka por ka la shong syier haduh katta bad ym i don jingkyrmen shuh ruh ban dang lah ban pyniaid ia ka kam peitbniah bad ban ai jingsumar namar ka jingbym biang ia ki dawai-dashin bad ka jingsangeh treikam jong ki hospital kiba bun baroh.
Kumta, ha katei ka sngi utei u nong-ialam jong ka WHO u la ong ba ka jinglong-jingman ki hospital ka Gaza ha kane ka por kam i don jingkyrmen shuh.
