Khliehriat, Naiwieng 12
Ka hat-trick ba la ïoh da u samla Onio Sutnga ka la pynlong ïa ka Sutnga SSCC ba kan khur ïa ka jingjop ha ka jingïalehkai Super Division Football Tourna-ment-3rd Kyrmen Shylla Contribution Trophy ba la pynïaid da ka East Jaiñtia Hills District Football Association (EJHDSA).
Haba phai sha ka jing-ïalehkai kaba la long ha ka sngi Saitjaiñ ha madan Artificial Turf Dieng-shynrum, Khliehriat, ka Sutnga SSCC ka la lah ban pynliem noh ïa ka Rymbai Wahshnong Sports Club da 4-0 kol.
Ha kane ka jingïaleh-kai kaba la lah shiliang, u Onio Sutnga u la ïoh ban khyrwit syndon ïa ka hat-trick kata ban khyrwit kol ha ka minit kaba 5, 45+3 bad 87 katba ïa kawei ka shi kol pat la thep da u Ioanis Suchen ha ka minit kaba 44.
Haba phai sha kawei ka jingïalehkai ha kane ka sngi, ka Rymbai Shken-shynriah Sports Club ka la lah ban pynliem noh ïa ka Rymbai Iawpynsing Sports Club da 2-0 kol. Ïa kine ki kol jong ka Rymbai Shkenshynriah SC la ïoh ban thep da u Hikaidame Bareh ha ka minit kaba 45+1 bad u Obadaia Bareh ha ka minit ba 86.
