Madagascar, Naiwieng:
Ka khlieh duh jong ka iing Myntri ha Madagascar ka la dawa ba dei ban pynsangeh noh shwa ia ka ilekshon kaba la dei ban long ha kane ka taïew ban wan, hadien ba la mih ka jing-iakhih na ki liang pyrshah kaba neh da ki bnai.
Ka Chirstine Razanamahasoa, kaba long ka khlieh nong-ialam jong ka kynhun Mediation ka la pyrshang ban pynbeit ia kitei jingeh kiba mih ha kane ka por, ha kaba ka la ong ba ka jinglong jingman hapoh ka ri ha kane ka por, kam pat ailad ban pynlong noh ia katei ka ilekshon kaba la dep pynbeit ban long ha ka 16 tarik u Naiwieng.
Kumta la ong ba ka tnat Election Commission ka dei ban pynsangeh noh shwa ia kane ka ilekshon katba ka jinglong-jingman hapoh ka ri kam pat biang.
