Jowai, Naiwieng 13
Ka YC Pdengkarong bad ka Amlarem Social Club ki la ïasam mar shi point ha ka lympung ïalehkai Super Division Football League ba la pynïaid da ka Amlarem Sub Divisional Sports Association (ASSA) hadien ba ki la ïakhaid mar 1-1 kol ha ka lah sngi U Blei ha Mini Stadium Ladjaplem, Amlarem.
Ha kane ka jingïakhun, ka Amlarem ka la thep kol nyngkong eh ha ka minit kaba 5 lyngba u Tiplang Rasmut, katba ka YC Pdengkarong ka la pynphai kylla lyngba u Wanbor Langshiang ha ka minit kaba 7.
Ka jingïalehkai ha ka 15 tarik kan long hapdeng ka Dongmihsngi Mupyut pyrshah ïa ka Man I Bha SC ha ka por 2:30 baje nohphai sngi.
