Jerusalem, Naiwieng:
Ka tnat iada jong ka Israel ha ka Sngi U Blei, ka la pynbna ia ka 317 Million Euro ($340 Million) ka jing-iakut ban die ia ki tiar ‘Air Defence System’ sha ka dkhot ba thymmai jong ka NATO- ka Finland.
Ka Israel ka la pynbna ba kane ka long ka jingiasoi kaba heh tam ba ka Israel ka la ioh pdiang bad ba katei ka ri ka la pan ‘order’ ia kitei ki tiar ban tehlakam ia ki ‘namding kiba wan poi nalor suiñ.
Kane ka jingpynbna ka long ruh hadien ba ka Israel, ha u Nailur ka la soi ia ka jingiakut ba $3.5 Billion ban die ia kitei ki tiar sha ka Germany.
Ia kitei ki tiar ‘Long-Range Arrow 3 System’ la shna da ka jingiatrei lang jong ki kompeni ka Israel bad ka United States, bad namar kane ka daw, shuwa ban die ia kitei ki tiar sha kiwei pat ki ri, ka Israel ka donkam ban ioh shwa ia ka jingmynjur na ka United States.
