Shillong, Nov 14
Ka kynhun ki ‘thei ïaleh-kai kriket U-15 ka Jylla hapoh ka lama jong ka Meghalaya Cricket Association ka la mih ban leit ïashim bynta ha ka Women’s U-15 One Day Trophy ban pynlong da ka BCCI ha Kolkata.
Ha kane ka lympung, ka Meghalaya kan ïakhun san sien ha nongbah jong ka West Bengal pyrshah ïa ka Assam, Jammu & Kashmir, Nagaland, Delhi bad ka Karnataka.
Ka prokram jingpynkhreh ïa kane ka kynhun la pynlong ha Guwahati ha kaba ka la sdang naduh 3 tarik mynta u bnai bad pynkut ha ka Lah Sngi U Blei. Te kumta kane ka kynhun ryngkat ki bor ba dei khmih kin mih ban leit sha Kolkata ha ka Sngi Ba-ar
Ki kyrteng ki ‘thei ïalehkai ki kynthup ïa ka Anastesia Shullai, Anjana Kumari, Awesaina S. Marak, Carieyoka Lyng-doh, Dejianna M. Sangma, Diya Biswa, Habanda-risha Shangpliang, Jenny-fer Fancon, Joannah Pyng -rope, Lini Mandakini Ksoo, Mania Sangma, Mendy Adrena Mawlong, Ronjoli Basumatary, Stef-fenie Sohshang, Zoya Tasneem. Kiwei pat kiba la shu pynap lypa (standby) ki long ka Evanrihun Soh–shang, Bijimme Ch Momin, Lawanjanai Synnah.
Ki nongïalam kane ka kynhun ki long ka Rupa -shree Sharma (coach), Bhakupar Mylliemngap (assistant coach), Sweetie Marboh (trainer), Jakrim -bal D Arengh (physio) & Pynhunlang Kharnarbi (manager).
Ha kane ka lympung ka Meghalaya kan ïakhun nyngkong pyrshah ïa ka Assam ha ka 17 tarik, ïa ka Jammu & Kashmir (19 tarik), Nagaland (21 tarik), Delhi (23 tarik) bad ïa ka Karnataka (25 tarik).
