Khliehriat, Naiwieng 14
Ka lympung ïalehkai Super Division Football Tournament ba la pynïaid da ka East Jaiñtia Hills District Football Association (EJHDFA) ka la poi sha ka jingïakhaid ha baroh ar tylli jingïakhun kiba la long ha ka sngi Ba-ar ha madan Artificial Turf Diengshynrum, Khleihriat.
Ka Khliehriat West YWSC bad ka Thangskai Tiger SC ki la ïasam mar shi point hadien ba kim shym lah ban thep kol.
Kumjuh ha ka jingïakhun kaba bud, ka Dhana SC bad ka Moolamanoh SC ki la ïakhaid mar 1-1 kol. Ka Moolamanoh ka la ïoh ban pynkhih jar nyngkong ha ka minit kaba 33 lyngba u Eriston Dkhar, katba ka Dhana SC ka la lah ban pynïakhaid kylla lyngba u Chirup Sumer ha ka minit kaba 63.
