(AAP FOR NEW INDIA AND NEW MEGHALAYA)
G Thongni
Ha kine ki por kiba mynta, ngi im ha ki sngi jong ki jingeh jingjynjar, ki jingïakhih kiba man la ka por bad ki snem, bad kat nang mih ki sngi bad ki snem, uba duk u la nang duk uba riewspah u la nang riewspah. Hato ngi la ju pyrkhat ba balei kine ki jingeh ki wan man la ka por kat nang mih ki snem bad ki bnai, la ka long ha ki ïing ki sem, ka phah skul khun (Education), ka koit ka khiah ha ka pang ka shitom (Healthcare), ka ïoh kam ïoh jam (Employment), ka shong suk shong shngaiñ (Peace and Harmony) bad kiwei kiwei de ki jingïakynduh jingeh jong u Paidbah. Ka daw baroh ka dei na ka Sorkar. Lada ka sorkar kan jin lada shim khia bha ïa kine ki jingïakynduh jong u Paidbah, bad kan pynleit jingmut bha ha ka liang ka pule puthi, ka koit ka khiah, ka jingïoh kam ïoh jam bad ka shong suk shong shngaiñ, ngan jin da la tharai ba ki jingïakhih kin kut noh suki pa suki. Ngi la pynlut kai ïa ki 77 snem bad ki 50 snem kiba la leit, ym don wat tang kawei ka party kiba la ïoh ban synshar hangne ha ka jylla jong ngi bad hangtei hapoh Central, ba kan shna ki skul kiba biang bad ba paka, ki hospital kiba biang ha ka pang ka shitom, khamtam eh ïa u duk u jynjar, ha kine ki 77 bad 50 snem ba la leit. Ka lah dei ka por ba ngin sngewthuh bad ailad noh ïa ka seng AAP kaba dei ka seng jong u Riewpaidbah, dei tang kane ka party kaba shim khia bha ban pynleit jingmut ha ka pule puthi (Education) ka koit ka khiah ha ka pang ka shitom (Healthcare) bad ha ka ïoh kam ïoh jam (Employment) bad ka synshar khadar kaba khuid (Clean Politics), khnang ba ki paitbah duk lane riewspah, kin ïoh lang kajuh ka hok ki dei hok ban ioh, kumba long hapoh ki jylla ba synshar ka Sorkar AAP (Delhi bad Punjab). Kaei kaba la pynlong ïa ka jylla jongngi, ban mih shibun ki Sengbhalang lane ki NGOs bad ki Seng Kaikhlaw, kat nang mih ki sngi bad ki snem? Katkum ka jingsngewthuh jong nga, ka daw ka long ba ki Party kiba la ioh ban shna Sorkar kiba la ioh ban synshar ha ka jylla jong ngi bad hangtei hapoh Central, kiba dei peit ïa ka synshar khadar, kim shym la lah ban pynbiang ïa ka jingdonkam jong u Paitbah, la ha ka liang ka pule ka puthi, ka koit ka khiah, ka ioh kam ioh jam, ki jingeh jingïakynduh jong u paitbah bad khamtam eh ha ka shong suk shong shngain jong ki Paidbah, bad ka jingsynshar bym khuid. Ha ka jingïohi jongnga, dei tang ka party AAP na baroh ki Political Party, kaba dei ka party jong u Paitbah, kaba trei hok shisha ïa u Paidbah, bad ka buh khmat eh ha kaba ïadei bad ka pule puthi, ka koit ka khiah, ka ïoh kam ïoh jam, ki jingeh jingïakynduh jong u paidbah bad khamtam eh ha ka shong suk shong shngaiñ jong ki Paitbah, bad ka jingsynshar bym khuid. Ha ka jingïohi jong nga, dei tang ka party AAP na baroh ki Political Party, kaba dei ka party jong u Paidbah, kaba trei hok shisha ïa u Paidbah, bad ka buh khmat eh ha kaba ïadei bad ka pule puthi, ka koit ka khiah, ka ïoh kam ïoh jam, ka jingsynshar khuid bad ka jingsynshar hok bad kiwei kiwei de……………….. haduh kiba duk bad kiba riewspah ki la ïoh jingmyntoi shibun hapoh ka jingsynshar jong ka sorkar AAP, jin lada ka sorkar AAP kan jin lada ïoh ban synshar ha ka jylla jong ngi bad hangtei hapoh Central, khlem pep, ngin ïohi shibun ki jingkylla bad ka jingshong suk shong shngaiñ. Sa katno snem ngin nang ïai pynlut kai ïa ka por bad ki snem ban vote ïa ki Political Party ki bym don ka jingïohi jngai, ngi la shu sah hajuh shi hajuh khlem ka jingkylla bad ki Jingeh man la ka por. Nga kyrpad da ka mynsiem kaba sngewrit bad naduh ka dohnud, lada phi kwah shisha ïa ka lawei jong ki khun, sngewbha sngewbha sngewbha ai jingkyrshan noh ïa ka AAP.
