Nongstoiñ, Naiweing 15
Ka Pyndengrei SCSC bad ka Mawlarshong SC ki la ïasam mar shi point hadien ba ki la ïakhaid mar 1-1 kol ha kaba sdang jong ka lympung ïalehkai Super Division ba la tip ruh kum ka NDSA Premier League Football Tournament 2023-24.
Haba phai sha kane ka jingïakhun jong kitei ar tylli ki kynhun ka la long shisha kaba itynnad. Ka Pyndengrei SCSC ka la ïoh ban pynkhih ïa ka jar nyngkong ha ka minit kaba 8 lyngba u Silbestar Thongni. Ka Mawlarshong SC ka la ïoh ban pynphai kylla lyngba ka penalty ba la shut da u Hopefulnes Wanñiang ha ka minit kaba 16.
Ha kane ka sngi plie pyrda ïa ka Super Division la donlang ki nongkitkam ka NDSA ba kynthup ïa u Bah B.S. Kharlor, Presi-dent ka NDSA Bah Mt. Gordon Marngar, Secre -tary ka NDSA, Bah H.D Lyng-doh, Secretary ka Referee Committee, Bah G.J.L Sangriang, dkhot jong ka Football Committee, u Bah G.Syiemlieh, Secretary Football Committee bad kiwei kiwei.
Lah ban kdew hangne ba ha ka Super Division ki don kumba 10 tylli ki kynhun. Ka jingïalehkai ha ka sngi Palei ha ka por 12:05 mynsngi kan long hapdeng ka Khliehmaw -lieh YC pyrshah ïa ka Tiehrit FC, katba ha ka por 2 baje janmiet kan long hapdeng ka Nong-pyndeng SS& CC pyrshah ïa ka Tiehsaw Pengkyllut SC.
