Washington, Naiwieng:
U National Security Advisor jong ka United States, u Jake Sullivan ha ka Sngi Balang u la ong ba ka jinglong-jingman hapdeng ka jingiadei ka China bad ka US ka lah ban poi sha ka jingïakynad lada ym lah ban pynbiang bha. Kane ka jingkren jong u Sullivan ka long shwa ba u President ka US u Joe Biden un sa leit ban kynduh ia u nongialam ka China u Xi Jinping. U Biden bad u Xi ki la dei ban iakynduh hapoh San Francisco ha katei hi Sngi Balang ban iakren halor ki katto katne ki mat ba kongsan.
Kumta u Sullivan u la ong ba ka shong ha ka kti jong u President ka US kumno ba un ialam ia ka ri bad ba un pynbiang ia katei ka jingiadei bad ka China khnang ba kiei- kiei baroh kin ym don jingthud bad kin iaid beit- iaid ryntih kumba ka dei ban long, namar u la ong ruh ba dei tang na kaba ialeh ban pynbiang ia ka jingiadei, ka ban lah ban tehlakam ia ki jingeh kiba bun.
Nalor kata, la ong ba ka US bad ka China ka dei ban don ka jingshlur bad ka jingkhuid mynsiem ban iakren markhmat haba donkam ban pynbeit ia kino-kino ki jingeh kiba pynwit ia ka jingiadei hapdeng jong kine ki arliang ri.
