Kular ka Hamas ban pyllait ïa 70 ngut lada sangeh ïa ka thma

Cairo, Naiwieng:

Ka kynhun lehnoh Hamas ha ka Sngi Nyngkong, ka la pyntip sha ka Qatar ba ka long ba la kloi ban pyllait noh ia 70 ngut ki longkmie bad khyllung-khynnah ba la rahbor naduh ka 7 tarik u Risaw. Hynrei kane kan long tang lada ka Israel ka sangeh ia ka thma kumba 5 sngi kynthih.

Katei ka jingsangeh ka dei ban long kaba sangeh syndon ia ka jingïasiat ha baroh ki bynta ka Gaza bad ban ailad ia ki lad jingiarap ban pynpoi sha ki paid nongshong shnong ha kylleng ki bynta jong ka Gaza.