Jowai, Naiwieng 15
Ka Ladthadlaboh SC ka la khur ïa ka jingjop ha ka lympung ïalehkai Super Division Football Tournament ba pynïaid da ka West Jaiñtia District Sports Association (WJDSA).
Kane ka nam jop ka la wan hadien ba ka la pynliem noh ïa ka Niaw Wasa da 1-0 kol ha ka sngi Balang ha Kiang Nangbah Stadium.
Ka jingïalehkai hapdeng kine ki ar liang mamla, ka la kut khlem don mano mano ba ïoh ban pynkhih jar ha ka kylla step. Hynrei dei hadien kato katne por ba la bteng ïa ka jingïakhun jong ka kylla miet ba ka Ladthadlaboh ka la ïoh ban thep shi kol lyngba u Buromlangki Salahe ha ka minit kaba 82 kaba la biang pura ban khur ïa ka nam jop.
Ka jingïalehkai ha ka sngi Palei kan long hapdeng ka Sailung Ïalong pyrshah ïa ka Shangpung Lumiawmushai.
