Montreal, Naiwieng:
Ha ka sien ba ar, la ong ba kawei ka skul Jiw hapoh Montreal ka la shah synreit kuli biang ha ka Sngi U Blei. La ong ruh ba kane ka jingjia ka long ha kum kane ka por ba ka jinglong-jingman hapoh Canada ka dang thnam bha namar ka jing-iakhun thma jong ka Israel bad lehnoh Hamas hapoh Gaza jong ka Palestine.
U nongaiktien jong ka tnat pulit, u la iathuh ba ym shym la don briew ha Yeshiva Gedola ha ka por ba katei ka jingjia ka la jia bad la ïohsngew ruh ia ka jingriew ki ktang suloi ha katei ka skul, ha ka por kumba 5:00 baje mynstep bad namar ba ym shym la don briew ha katei ka jaka, kumta ym shym la don iwei ruh ki ban ngat ne shah ktah ha katei ka jingjia ha katei ka step.
