C. B. Iawphniaw
Halor ka jingpyrshah ki kynhun seng bapher bapher kynthup ïa ki seng niam ba ïadei bad ka jingpynlong Tamasa Cherry Blossom ha ka Sngi U Blei. Hato kaba plie dukan jong ki bym long niam bad kiwei ki jait niam ha ka Sngi U Blei yn ñiew ba ki pyrshah Khristan. Kumjuh haba pynlong kano kano ka kam leh kmen leh sngewbha ha ka Sngi U Blei ruh ym dei ban shim ba ki pyrshah khristan. Hynrei haba ki leh la ka jong ka jingthmu bad jingsngewbha katkum ka jingngeit jong ki.
Namar ka Sngi U Blei ruh kam dei ka sngi rakhe kyrpang leh kmen leh sngewbha ym tang jong ki Balang Khristan hynrei jong baroh ki jingleh kmen leh sngew-bha kum ka phutbol, ka kriket bad kiwei kiwei ki jait jingïalehkai ne tamasa bapher bapher ha la ka jong ki ri bapher bapher. Ka jingsngew pyrshah ia ka jingpynlong ïa ka Cherry Blossom ha Jylla Meghalaya ka pynpaw ba ki nongpynïaid niam ki la shim bad pynïakhleh politic ïa ka niam.
Ha ka jingshisha ka niam kan ioh la ka jong ka kam mane khlem da ktah ïa ka jingsngew kiwei, watla ki pynlong ha kano kano ka sngi ruh ym dei ban bishar ïa kiwei. To ngin shakri beit ïa u Blei ha la ka jong ka jingshakri. Namar ka ktien u Blei ruh ka ong, ka bit ban ioh kino kino ki kam ba bha ha ka sngi Sabbaton ruh. Te balei bym bit ban pynlong Tamasa ha ka sngi u Blei. Ka Sngi U Blei ka long jong baroh ki kynhun jaitbynriew ym tang jongngi ki riewngeit Khristan.
Kane nga pynpaw na ka bynta ka jing-ïabha lang jong baroh ki jait niam ha kane ka pyrthei. Namar baroh ngi ngeit ïa ujuh u Blei.
