Nongstoiñ, Naiwieng 16
Ka kynhun ïalehkai jong ka Khliehmawlieh YC ka la khur ïa ka jingjop ha ka jingïalehkai kaba nyng -kong jong ka lympung ïalehkai Super Division ba la tip ruh kum ka NDSA Premier League Football Tournament 2023-24.
Katba Nongpyndeng SS&CC ka la ïasam mar shi point ha ka jingïakhun pyrshah ïa ka Tiehsaw Pengkyllut SC. Kane ka wan hadien ba kim shym lah ban thep kol haduh kaba kut ka jingïalehkai ha ka sngi Palei ha madan NDSA kaba ha Nongpyndeng.
Ka jingjop jong ka Khliehmaw-lieh YC ka la wan hadien ba ka la lah ban pynliem noh ïa ka Tiehrit FC da 1-0 kol. Kane ka shi kol ka la wan urlong lyngba Mining Marngar, uba la ïoh ban thep lyngba ka penalty ha ka minit kaba 28 na ka bynta ban khur ïa ki lai point.
Na ka liang ka tournament committee ka la pyntip ba ka jingïalehkai ha ka sngi Thohdieng kan long hapdeng ka Mawkawah SC pyrshah ïa ka Sawlad ha ka por 2 baje janmiet, katba ha ka 1st Division kan long hapdeng ka Lawse pyrshah ïa ka Porshangbet ha ka por 12:05 mynsngi.
