Shillong, Naiwieng 16
Ka lympung ïalehkai Football Invitation Tournament 2023-24 ba la pynïaid da ka Mawlangwir Sport Club kan bteng biang ha ka sngi Saitjaiñ ha Rowell Lyngdoh Stadium kaba ha Mawlangwir, Mawkyrwat.
Ka jingïakhun ha kane ka sngi kan long hapdeng ka Langsning Football Club na Shillong pyrshah ïa ka Khlieh Mawlieh Football Club na West Khasi Hills ha ka por 1 baje nohphai sngi.
Kumta na ka liang kane ka synjuk ka wer ïa ki paidbah ‘riew ïeit phutbol jong ka dong ka thaiñ ba kin wan sakhi ïa kane ka jinglehkai ba itynnad hapdeng kitei kynhun.
