Shillong, Naiwieng 16
Ka kynhun ki rangïalehkai U-19 ka Jylla kan pynkhreh ïa ka jingïakhun kaba nyngkong ha la ïing pyrshah ïa ka Mizoram ha ka lympung ïalehkai Cooch Behar Trophy.
Kane ka jingïakhun kan sdang naduh ka por 8:30 mynstep ha madan ïalehkai jong ka Megha-laya Cricket Association Ground kaba ha Polo bad la pdiang sngewbha ïa ki peitkai sha kane ka lympung.
Kane ka long ka jingïalehkai kaba nyngkong jong kane ka aïom (2023-24) ban pynlong da ka BCCI mynta u snem ha kane ka nongbah.
Ha kane ka lympung ka Meghalaya kan pynkhreh ban ïalehkai haduh san sien pyrshah ïa ki kynhun ïalehkai ka thaiñ shatei lammihngi.
Nalor ka Mizoram, ka Meghalaya kan pynkhreh ruh ïa ki jingïalehkai ha la ïing pyrshah ïa ka Nagaland (naduh 24 tarik u Naiwieng) bad Manipur (naduh 15 tarik u Nohprah). Kiwei pat ki ar tylli ki jingïakhun ki ban long shabar na la ïing kin long pyrshah ïa ka Sikkim bad ïa ka Arunachal Pradesh.
