Shillong Naiwieng 16
Ka Sorkar Jylla ka la ai jingmynjur ban thaw ïa ka Meghalaya Education Recruitment Board ha kaba yn pyndonkam ban thungkam hapoh ka tnat pule puthi lada ki lait thylli.
U Myntri Rangbah u Conrad K Sangma u la ïathuh ba kane ka Board kan ïarap pynsted ïa ka jingpynrung kam hapoh ka tnat pule puthi kumba long ka tnat ka koit ka khiah kaba la lah ban thung ïa ki doktor kumba 500 ngut.
Ïa kane ka Board yn khliehduh da u Additional Chief Secretary ka tnat pule puthi bad ka jingpynrung kam kan bteng kumba 3 bnai haduh 6 bnai ban pyndep.
Shuh shuh ka kynhun Myntri ka la mynjur ruh ban pynkylla kyrteng ïa ka tnat labour sha ka tnat labour, employment bad skill development.
