Jowai, Naiwieng 17
Ka lympung ïalehkai Open Volleyball Tournament 2023 ba la pynïaid da ka shlem treikam u District Sports Officer, West Jaiñtia Hills kan sdang ha ka 20 tarik bad kut ha ka 22 tarik mynta u bnai ha Lion Mission Compound, Pohskur.
Ha kane ka lympung kin don haduh 8 tylli ki kynhun ïalehkai ki ban ïashim bynta ha ki ar tylli ki Pool (A & B). Ha ka Pool-A ki kynhun ki long ka Spikers, Lion Mission Compound Dorbar Shnong, Chullai Brothers Chutwakhu bad Madankynsaw Mookyndeng Knorsyiem. Katba ha ka Pool-B ki la long ka Kiang Nangbah Govt. College, Khimusniang, Lion Sports & Youth Affairs bad Ïakrehlang SC Nangbah.
Ha ka 20 tarik ka jingïalehkai kan long hapdeng ka Spikers pyrshah ïa ka Lion Mission Compound Dorbar Shnong ha ka por 12 baje mynsngi. Ka Chullai Bro-thers Chutwakhu ïa ka Madankynsaw Mookyndeng Knorsyiem ha ka por 12:45 mynsngi.
Ka Kiang Nangbah Govt. College kan ïakhun pyrshah ïa ka Khimusniang ha ka por 1:30 baje nohphai sngi. Ka Lion Sports & Youth Affairs ïa ka Ïakrehlang SC Nangbah ha ka por 2:15 baje nohphai sngi.
Ka Lion Mission Compound Dorbar Shnong pyrshah ïa ka Madankynsaw Mookyndeng Knorsyiem ha ka por 3 baje bad ka Chullai Brothers Chutwakhu ïa ka Spikers ha ka por 3:45 janmiet.
