C. B. Iawphniaw
Kaba eh ban khanglad ïa ka shongkha khleh. Ka rukom shongkha khleh ka don lajan ha baroh ki ri ka pyrthei naduh hyndai hynthai. Namarkata ka long kaba eh ban khanglad ïa kane ka kam shongkha shongman. Ha Jylla Meghalaya jongngi ruh ka long kaba jwat ban khanglad ïa kane ka rukom ïa shongkha khleh. Wat la ki don ki shnong kiba pyrshang kum ban shu ong noh kiba ïaleh ban khanglad ïa kane ka jingïashongkha khleh napdeng ka jaitbynriew Khasi bad kiwei ki jaitbynriew. Hynrei ym lah ban khanglad da lei lei ruh ïa kane ka jingïashongkha khleh. Tang kawei ka lynti ka long ïa kito ki kynthei Khasi kiba ïa shongkha khleh bad ki jaitbynriew bym dei Khasi la dei ban shu pynduh noh ïa ka jingai schedule Tribe kumba kynthoh ki riew wohdong ban thaw aiñ lyngba ka District Council ban pynduh schedule tribe ïa ki bad yn shim beit ba ki dei ki bym dei ki schedule tribe hynrei kin hap ha ka General Quota ha ki kam ki jam baroh. Lehse kane ka dei ka aiñ ba kim dei ban dawa bha ban ioh ïa ka Schedule tribe. Lada pyntrei kam ïa kum kane ka aiñ kan ïarap shibun eh ïa kane ka jingshongkha khleh hapdeng ki kynthei Khasi bad ki bym dei Khasi. Hynrei ban khanglad ïa ka jingïashongkha khleh ym lah ban khang ne pynduh.
