United Nations, Naiwieng:
Ka UN Security Council ha ka Sngi Balang, ka la bthah ia ka Israel ba ka dei ban sangeh noh shwa ia ka thma hapoh Gaza namar ki paidbah ki don hapdeng ka jingduk- jingkyrduh bad ki donkam ia ka bam bad kumjuh ruh ia kiwei- kiwei ki jingiarap bad ki jingsumar ha kum kane ka por ba ki la kylla long kum ki phetwir bad kim don jaka shongneh shuh.
Kane ka jingbthah jong ka US ka la ioh tang 12 tylli ki jingkyrshan ban pynsangeh ia ka thma Israel kumba katto- katne sngi naka bynta ban ioh pynpoi ia ki lad jingiarap bad ki bam- ki dih sha ki paid nongshong shnong ka Gaza.
Katba ki 3 tylli ki ri ki bym shym la ai jingkyrshan ki kynthup ia ka United States, ka Britain bad ka Russia.
Namar la ong ba ka Israel ka la hiar thma bad pynhiar kput ia ki lehnoh Hamas kiba don hapoh Gaza jong ka Palestine hadien ba kitei ki lehnoh ki la sdang nyngkong ban leit thombor bad hiar thma ia ka Israel ha ka 7 tarik u Risaw ba la leit.
