Canada, Naiwieng:
U Myntri Rangbahduh ka Canada, u Justin Trudeau ha ka Sngi Palei u la pynrem jur halor ka jingshah pyniap dusmon jong ki khyllung-khynnah bad ki longkmie hapoh Gaza namar ka jingleit hiar thma ba khlem jingisynei jong ka Israel pyrshah ia ki lehnoh Hamas ha kane ka por.
Katba u Myntri Rangbahduh ka Israel- u Benjamin Netanyahu u la ong ba ka pyrthei baroh kawei ka dei ban sngewthuh ba dei ka Hamas kaba sdang bad kumta ruh dei ka Hamas ka ban shah kynnoh halor ka jingïap bad jingduh ei ia ki mynsiem briew ba lui-lui baroh ha kane ka thma. Hynrei u la ong ba ka Israel kan nym ailad shuh ia katei ka kynhun lehnoh da lei-lei ruh namar lada sangeh ia ka thma ruh kan long pynban ka jingailad bad jingai bor ia kitei ki lehnoh ba kin ioh lad ban pynim bad ban khie khlieh biang hadien- habud.
