Khliehriat, Naiwieng 17
Ka West Jaiñtia Police, Para-I SC, Ar Daloi FC, Border Area, Tyllilang bad 12 Daloi FC ki la jam sha ka quarter final ha ka lympung ïalehkai ‘1st Open to All Veteran Football Tournament’ ba la pynïaid da ka East Jaiñtia Hills District Football Association (EJHDFA).
Kane ka la wan hadien ba ki la khur jingjop ha ka jingïakhun kaba la long ha madan Artificial Turf Diengshynrum, Khliehriat haka sngi Thohdieng.
Ha ka jingïakhun, ka Tyllilang ka la pynliem da 3-0 kol ïa ka Wahïajer Narpuh. U Khrismasius Shadap u la thep ar kol ha ka minit kaba 2 bad 41, katba u Seibor Sohshen ha ka minit kaba 50.
Haba phai sha ka jingïakhun kaba bud ka West Jaiñtia Police ka la pynliem noh ïa ka Para-I SC lyngba ka shi kol ba la thep da u Ram Dkhar ha ka minit kaba 52.
