New Delhi, Naiwieng:
Katkum ki khubor la ong ba ki shipai ka Israel ki dang bteng hi ia ka jingleit khynra bad ka jingtih bniah ia ki jingdon jingem ha katei ka hospital Al-Shifa kaba don hapoh Gaza bad ka Israel ka la byrngem ruh ba kan ther bom naphang kat ha ki jaka ba don ki lehnoh Hamas watla ka long ha ki hospital ne ha ki jaka ba shong ki riew paidbah. Nalor kata la ong ba ka jingdon jong ki shipai Israel ha katei ka hospital ka la pynthud ia ka rukom ai jingsumar ha katei ka jaka bad 24 ngut ki nongpang ki la khlad noh hapoh ki 48 kynta ba la leit.
