Shillong, Naiwieng 19
Ka Royal Football Club ka la khur ka jingjop ha ka jingïalehkai Super League jong ka lympung ïalehkai 4th (L) KM Diengdoh Memorial Sohra Football League 1st Division ba la pynïaid da ka Sohra Sports Association (SSA) ha Saitsohpen, Sohra.
Haba phai sha ka jingïalehkai kaba la long ha ka sngi Saitjaiñ, ka Royal FC ka la lah ban pynliem noh ïa ka Iaiphyrnai S&YA da 2-1 kol. Ïa ki kol jong ka Royal FC la ïoh ban thep da u Dashembhalang Khongjee ha ka minit kaba 20 bad u Samborlang Langte ha ka minit ba 72 katba ïa ka shi kol jong ka Iaiphyrnai S&YA la thep da u Telling Nongkynrih ha ka minit ba 62.
