New York, Naiwieng:
Katkum ki khubor la ong ba uwei u runar u la synreit kuli naphang hapoh ka hospital kaba don ha ka phang Northeast jong ka United States hapoh ka nongbah New Hampshire bad kane ka la jia ha ka Sngi Thohdieng ha kaba u la ioh ban shim ia ka jingim jong uwei u briew hashwa ba un shah siat kylliang ha ki pulit.
La ong ba utei u runar u la leit rung sha ka hospital hapoh New Hampshire kaba don ha Concord bad u la leit ban siat beit- beit ia uwei u briew uba don hapoh ka kamra treikam jong katei ka hospital.
Hynrei ki pulit ki la pyntip ba ia mynta hi kam don shuh kano kano ruh ka jingma kaba ap ia ki riew paidbah namar ki la dep ioh siat noh ruh ia utei u runar.
