Amlarem, Naiwieng 19
Ka Amlarem Social Club bad ka Pdengkarong Youth Club ki la ïoh ban khur ïa ka jingjop ha ka jingïalehkai jong ka lympung Super Division Football League ïa kaba la pynïaid da ka Amlarem Sub Division Sports Association (ASSA).
Haba phai sha ka jingïalehkai kaba la long madan Mini Stadium Ladjaplem ha ka sngi Saitjaiñ, ka Amlarem Social Club ka la lah ban pynliem noh da 1-0 kol ïa ka Thangbuli YSWC bad ïa kane ka shi kol la ïoh ban khyrwit da u Iaid Jungai ha ka minit kaba 63.
Ha kawei pat ka jingïakhun kaba bud jong kane ka sngi, ka Pdengkarong Youth Club ka la lah ban pynliem noh da 1-0 kol ïa ka Umladkhur Sports Club bad ïa kane ka kol la thep da u Special Nongrum ha ka minit kaba 7 jong ka kylla step.
Ha ka 21 tarik mynta u bnai pat ka jingïakhun kan long hapdeng ka Jarain C&SC bad ka Man I-Bha Sports Club ha ka por 2.30 janmiet.
