Nongstoiñ, Naiwieng 20
Ka kynhun ïalehkai jong ka Pyndengrei SCSC ka la khur ïa ka jingjop ha ka lympung ïalehkai NDSA Premier League Football Tournament 2023-24.
Katei ka nam jop ka la wan hadien ba pynliem ïa ka Tiehrit FT da 3-0 kol ha ka Lah Sngi U Blei ha madan NDSA, Nongpyndeng.
Shuh shuh ka nam jop jong ka Pyndengrei ka la wan ruh lyngba ki kol ba la ïoh thep da u Silvester Thongni ha ka minit kaba 17, u Khrawkupar Nong-khar ha ka minit kaba 47 bad u Philip Nongsiej ha ka minit kaba 77.
Haba phai sha ka 1st Division, ka Nongstoiñ FT ka la pynliem noh ïa ka Mawtynrong SS& CC da 3-1 kol.
