Hyderabad, Naiwieng:
U President jong ka seng BJP u J P Nadda ha ka Sngi U Blei u la pynlong ïa ka jingïalap ilekshon na ki surok ha Hyderabad kum shi bynta jong ka jingïalap ilekshon ha Telangana na ka bynta ban ai ka jingkyrshan ïa u kyrtong jong ka seng na Malkajgiri u N Ramchander Rao.
Ïa u Nadda, la synran da u Ramchander Rao bad u MP jong ka BJP u K Laxman, na ka bynta ban ïashim bynta ha ka jingïalap ilekshon na ka kali ha Malkajgiri. Ha kane ka sngi, u Nadda u la peit ruh ïa ka jingïalehkai final hapdeng ka India-Australia World Cup ha Malkajgiri, la ïathuh ka tyllong khubor. Ha ka step jong kane ka sngi, u Nadda u la ai jingkren ha ki jingïalang paidbah kiba la long ha Narayanpet bad Chevella. Ha ka jingai jingkren ha ki jingïalang paidbah, u Nadda u la ong ba ki jingïarap jong u K Chandrasekhar Rao ha Telangana la dei ban phah kylla noh hadien ka ilekshon Assembly ka ban sa wan bad kyntu ïa ki briew ba ki dei ban jied ïa ka seng BJP na ka bynta ban bat ïa ka bor synshar.
