Jowai, Naiwieng 21
Ka Sailung Ïalong ka la khur ïa ka jingjop ha ka Super Division Football Tournament na ka bynta ka Kiang Nangbah Memorial Trophy 2023 hadien ba ka la pynliem noh ïa ka Khimusniang da 4-0 kol.
Ïa kane ka lympung ïalehkai la pyniaid da ka West Jaiñtia District Sports Association (WJDSA) ha madan Kiang Nangbah Stadium, Ladthadlaboh Jowai ha ka sngi Ba-ar.
Ha kane ka jingïakhun ka Sailung Ïalong ka la pynkhih jar nyngkong eh lyngba u Arwan Rymbai ha ka minit kaba 15. Kane ka kynhun ka la pynbud ïa ka kol kaba ar lyngba u Masan War (24), kumjuh u Saniroi Suchiang (40) bad ïa ka kol kaba khatduh la thep da u George Fredrick Lhuid ha ka minit kaba 89 na ka bynta ban khur syndon ïa ka jingjop.
