Nongstoiñ, Naiwieng 21
Ka Khliehmawlieh YC ka la ïasam mar shi point ha ka jingïakhun pyrshah ïa ka Tiehsaw Pengkyllut ha ka NDSA Premier League Football Tournament 2023-24 (Super Division) hadien ba ïakhaid mar 2-2 kol.
Haba phai sha katei ka jingïakhun hapdeng kine ki ar tylli ki kynhun kaba la long ha ka sngi Ba-ar ka la long shisha kaba itynnad namar ka jinglah jong ki rangïalehkai na baroh ar liang ban pynpaw ïa ki sap ïalehkai jong ki.
Ïa ki ar tylli ki kol jong ka Khliehmawlieh la ïoh ban thep da Mackevin Shyrkon ha ka minit kaba 16:23 bad u Mining Marngar lyngba ka penalty ha ka minit kaba 60, katba ïa ki ar tylli ki kol jong ka Tiehsaw Pengkyllut la ïoh ban thep da u Wanbok Hashah ha ka minit kaba 13:38 bad u Wanker L.Lyngkhoi ha ka minit kaba 69.
Haba phai pat sha ka 1st Division, ka Nongkhlaw ka la pynliem noh ïa ka Siejlieh da 1-0 kol.
Na ka liang ka tournament committee ka la pyntip ruh ba ka jingïalehkai ha ka sngi Balang ha ka 1st Division kan long hapdeng ka Ramsngiwar pyrshah ïa ka Nongkynjang ha ka por 12:05 mynsngi, katba ha ka Super Division kan long hapdeng ka Nongpyndeng pyrshah ïa ka Mawlarshong SC ha ka por 2 baje janmiet.
