Santo Domingo, Naiwieng:
Ki bor pyniaid ka Dominican Republic ki la iathuh ba kumba 21 ngut ki briew ki la khlad noh kynthup ia 3 ngut ki khynnah rit hadien u slap ba jur u la ther ia ka Dominican Republic ha kine ki 2 sngi ba la leit. La ong ba u slap uba jur u la ther ia kylleng ki bynta jong ka ri Caribbean hapoh jong kine ki 48 kynta ba la leit bad kaba la wanrah ia ki jingjia shlei um bad k jingtwa khyndew bad kiwei- kiwei de ki jingtwa bad jing julor ha kylleng ki bynta jong ka Dominican Republic. Kumta ki bor pyniaid jong katei ka ri ki la maham ia ki paidbah ba kin leh phikir bad husiar namar kino kino ki jingma kiba ap na ka jingsngem bad jing jhieh ka khyndew ha kylleng sawdong jong ki.
