Khliehriat, Naiwieng 21
Ka Sutnga SSCC bad ka Rymbai Ïawpynsing SC ki la khur jingjop ha ka Super Division Football Tourna-ment ba la pynïaid da ka East Jaiñtia District Football Association (EJHDFA).
Ha ka jingïalehkai kaba nyngkong kaba la long ha ka sngi Ba-ar ha madan Artificial Turf Diengshynrum, Khliehriat, ka Sutnga SSCC ka la pynliem noh ïa ka Dhana SC da 3-1 kol.
U Ioanis Suchen u la the par kol ha ka minit kaba 32 & 74 na ka bynta ka Sutnga bad ïa kawei pat la thep kham hashwa da u Sumarbha Bareh ha ka minit kaba 3. Hynrei ka Dhana ka la lah ban pynphai kylla shi kol lyngba u Pyntip Dkhar ha ka minit kaba 51.
Haba phai sha kawei pat ka jingïakhun, ka Rymbai Ïawpynsing ka la pynliem da 2-1 kol ïa ka Thangskai Tiger SC.
U Hesmiki Rymbai u la thep ar kol (27 & 36) na ka bynta ka Rymbai Ïawpynsing, hynrei ka Thangskai ka la pynphai kylla shi kol lyngba u Wendy Nongtdu ha ka minit kaba 68.
