New Delhi, Naiwieng:
Ka Election Commission hynnin ka sngi ka la ong ba palat T. 1,760 klur ki jingai sngewbha, u drok, ka pisa, ka kyiad bad ki tiar kiba kordor kiba la pyntreikam na ka bynta ban pynbiej ïa ki nongthep vote ha ki san tylli ki jylla ban pynlong ïa ka ilekshon la ïoh ban kurup haduh mynta.
Ka kynhun kaba dei khmih ha ki kam ilekshon, ka la ong ba ka jingkurup ïa kine ki mar ka la long naduh ba la dep ban pynbna ïa ka tarik ban pynlong ïa ka ilekshon kata ha ka 9 tarik, Risaw bad ka la don shuh shuh sa kumba hynñiew shah kata T. 239.15 klur kiwei pat la ïoh ban kurup ha ka por ba la pynlong ïa ka ilekshon Assembly kaba hashwa ha kine ki distrik kata ha u 2018.
Katba ka jingpynlong ïa ka ilekshon Assembly ka la dep ban long lypa ha Madhya Pradesh, Chhattisgarh bad Mizoram, ka jingthep vote kan sa long ha Rajasthan bad Telangana ha ka 25 tarik, Naiwieng bad ka 30 tarik, Naiwieng.
