New Delhi, Naiwieng:
Ka Myntri tnat kam bar ri jong ka Australia, ka Penny Wong ha ka Sngi Nyngkong u la wan poi sha India na ka bynta ka jingïakren 2+2 Ministerial Dialogue kaba la dep pynbeit ban long ha katei ka sngi. Kumta, ki nongialam na India ruh ki la pdiang sngewbha ia ka Penny ha katei ka step ha ka jingwan poi ha ka Kad Liengsuiñ jong ka Air Force Station hapoh Palam jong ka nongbah Delhi.
Katba, la ong ba u Symbud Myntri Rangbahduh bad u Myntri ka tnat ïada jong ka Australia pat u la dep poi lypa sha India naka bynta katei ka jingïakren 2+2 Dialogue.
Kumta la ong ba kitei ki nongialam jong ka Australia kin ioh ban iakren bad ki nongialam na India kiba kynthup ia u Myntri ka tnat kam bar ri ka India- u S.Jaishankar bad u Myntri ka tnat ïada- u Rajnath Singh.
Ha katei ka jingialang, kitei ki nongialam ka Australia ki la ong ba ka jingiadei jong ka Australia bad ka India ka long kaba kordor bha bad ka long kaba donkam ia baroh arliang ri ba kin iatrei lang khamtam haba iadei bad ki kam ha ki bynta jong ka Indo-Pacific Region.
