Beavercreek, Naiwieng:
Katkum ki khubor la iathuh ba uwei u briew u la kyllon iap bad 3 ngut kiwei pat ki la mynsaw jur hadien ka jingshah synreit kuli ha u runar hapoh ka Walmart Store kaba don ha ka nongbah Beavercreek hapoh Ohio.
Ia kitei 3 ngut kiba mynsaw la pynkit noh sha ka hospital ‘Trauma Center’ kaba don hangtei hajan ka Walmart Store na ka bynta ka jingsumar kaba kyrkieh.
Ki pulit ka Beavercreek ki la iathuh ba ia mynta hi, kam don shuh kano-kano ruh ka jingma ia ki paidbah nongshong shnong katei ka jaka haba iadei bad kane ka jingjia. Ka Beavercreek ka dei ka nongbah kaba don ia kumba 46,000 tam ki nongshong shnong bad ka hap ruh sha ka phang Mihngi jong ka Dayton.
