Kabul, Naiwieng:
Ka National Centre for Seismology (NCS) ha ka Sngi Ba-ar, ka la pyntip ba u jumai uba 4.1 Magnitude u la pynkhynñiuh ia ka ri Afghanistan ha ka step Sngi Ba-ar ha ka por kumba 3 baje jong katei ka sngi bad la ong ba ka jingjylliew jong utei u jumai ka la poi kumba 73 Km na ram-ew.
Kumta la ong ba ha ka step Sngi Ba-ar, ka NCS ka la pynbna ia katei ka khubor hapoh ka Twitter ba utei u jumai ba 4.1 Magnitude u la pynkhynñiuh ia ka Afghanistan ha ka jing-jngai kumba 35.7 Latitude bad 63.38 Longitude bad ka jingjylliew pat kumba 73 Km na ram-ew.
Ha kane ka jingjia ym shym la ioh khubor pat ban don kiba shah ktah ne mynsaw bad ki bor pyniaid ka Afghanistan ki dang phah wad bniah ioh don kino- kino ki jing julor ne kiba shah ktah ha utei u jumai.
