Shillong, Naiwieng 22
Ka BCCI ka la pynbna ïa ka kynhun ïalehkai na ka bynta ki san tylli ki jingïalehkai jong ka T20I pyrshah ïa ka Australia ka ban sdang naduh 23 tarik mynta u bnai ha Visakhapatnam.
U Suryakumar Yadav un shimti kum u kapten, katba u Ruturaj Gaikwad kum u vice-captain na ka bynta ka jingïalehkai kaba nyngkong jong ka T20Is. U Shreyas Iyer un shimti kum u vice-captain ha ka jingïakhun kaba saw bad basan jong ka T20I.
Ka India ka la jam sha kine ki san tylli ki jingïalehkai hadien ka jingshah rem ha ka final jong ka ODI World Cup pyrshah ïa ka Australia da 6 wiket.
Ki kyrteng ki rangïalehkai ka India ki long u Suryakumar Yadav (Captain), Ruturaj Gaikwad (vice-captain), Ishan Kishan, Yashasvi Jaiswal, Tilak Varma, Rinku Singh, Jitesh Sharma (wk), Washington Sundar, Axar Patel, Shivam Dubey, Ravi Bishnoi, Arshdeep Singh, Prasidh Krishna, Avesh Khan bad u Mukesh Kumar.
Ka jingïakhun kaba ar kan long ha ka 26 tarik ha Thiruvananthapuram, kaba lai kan long ha 28 tarik ha Guwahati, kaba saw ha ka 1 tarik u Nohprah ha Raipur bad kaba san ha ka 3 tarik ha Bengaluru.
